أرشيف لتعليقات المصريين على الفيسبوك بعد إنتخابات الرئاسة التى أدت لفوز محمد مرسى مرشح الإخوان المسلمين
كل شويه بكتشف أكتر ناس من مرضي الأكلان و التسلخات اللي كان نفسهم يشمتوا في الإخوان بأي طريقه حتي لو كان ده علي حساب وقوع البلد في إيد شفيق !!
النفسيات المريضه صعب تحليلها بس التسلخات سهل علاجها
مرهم جراميسين حلو في الحالات دي
*******
مليار مبروك هزيمة الشفيق أحمد فريق واليوم نستطيع أن نقول ان الربيع العربي قد عاد الي الحياه من جديد في انتظار أهلنا في سوريا ربنا ينصرهم علي بشار وأعوانه
******
وائل غنيم عبر تويتر:
أنا مش سعيد بفوز مرسي رغم انتخابي له وسأنضم لصفوف معارضيه من الآن، أنا سعيد بهزيمة من كان يعتقد أن بهجومه على الثورة سيحصل على أصوات الشعب.
*****
أطلب من أمير المؤمنين المرسي أن يمنحني عكاشة أتخذه غلاما لي :)
*****
عندي امتحان كمان ساعتين وخايف بعد النتائج اللي طلعت بتاعة الانتخابات وفوز مرسي المراقب يتأثر بيها ويطبق مقولة ان الغش حرام
ده انا كده هتنفخ :DD
*****
ﺇﺫﺍ ﺃﺭﺍﺩ ﻣﺮﺳﻲ ﺇﺛﺒﺎﺕ ﺣُﺴﻦ ﻧﻴﺘﻪ ﺑﻌﺪ ﺃﻥ
ﺍﻧﺘﺨﺒﻨﺎﻩ..ﻳﺘﻨﺎﺯﻝ ﻟﺼﺒﺎﺣﻲ ﺑﺮﺩﻩ(:
*****
نزلنا جبنا رئيس الحمد لله
ننزل نجيب صلاحياته بقى
*****
اى حد هيزورنى النهاردة هيشرب شربات :D وهأوزع على الجيران وجيران الجيران كمان :))
الواحد بقاله كتير مش عارف يفرح يا جدع
يسقط يسقط حكم العسكر
يسقط يسقط الفلول
*****
أنتو متخيلين كم الفلوس اللي صرفها أنصار شفيق ومراة أحمد عز وعبد الرحيم الغول ..والشلة دي قد أيه ؟؟ دول كانو ممكن يسددو ديون مصر كلها
*****
قتل وإتقتل
.
.
.
وإتعزل ورجع
.
.
.
لكن يسقط وينجح ..
.
.
.
.
على جثتي ههههههههه
*****
كل المعطيات بتوجهنا لأن الثورة مستمرة ، غلطتنا فى الأول إننا مشفناش إنها مستمرة وقررنا ننهيها ونسلمها للعسكر
بقينا محترفين أكتر وعارفين إن الثورة مستمرة ، مستمرة حتى إشعار آخر ..
*****
أول تعليق رسمي على الانتخابات الرئاسية من بشار الأسد في سوريا:
هااااااااااااااااااااااااااااا
*****
من النهاردة مفيش نكت على الصعايدة اصراحة طلعو رجاله من هنا ورايح بقى النكت على المنايفة :)
*****
من المواقف اللطيفة التي حدثت امس فى أحد لجان الدقي:
دخل شاب " روش " شعره منكوش ، و سلسلة و حظاظات و كده .... ثم أخذ ورقة التصويت ووقع فى الكشف ثم سأل بصوت عال :
... " لو سمحتم يا جماعة فين مندوب سيادة الفريق شفيق ؟ "
فأقبل مندوب شفيق مبتسما ابتسامة واسعة و قال :
" تأمر يا فندم ، أي خدمة ممكن أقدمها لك "
عندها قال الشاب " الروش " بصوت سمعه كل من فى اللجنة :
" عند أمك يا شفيق !! على جثتي يا شفيق !!! و آآآدي صوتي لمرسي !! "
ثم علم على مرسي فى الورقة و وضعها فى الصندوق و سط ضحكات الحاضرين ......
بينما استحال لون مندوب شفيق الى الأصفر الباهت !!!
(الموقف حقيقي و ليس نكتة )
*****
علاء الاسواني عبر تويتر:
هزيمة شفيق هزيمة لحبيب العادلي ومساعديه ومحمود وجدي والحزب الوطني ورجال الاعمال الفاسدين هزيمة لنظام مبارك كله. انهم يشوشون لكنهم انهزموا .
*****
الحمد لله أقولها تاني بكل فخر :
مصري وأفتخر :)
مصري وأفتخر :)
*****
الثورة هزمت الفلول بالاحتياطى ....امال لو كنا نزلنالكم بالاساسى كنا عملنا فيكم ايه : اهداء ل 12 مليون مصيبة بتوع شفشق
******
الثورة دي بقت عاملة زي مسلسل "كابتن ماجد" !!.. ما كانش بيخلص !!.. و ممكن الهدّاف يفضل متشعلق في الهَوَا سنة و نُصّ .. راسُه تحت و رجليه فوق و الكورة بتلفّ قُدّامة ؛ على ما التليفزيون المصري يشتري الحلقات الجديدة :)
[بوست لمواليد الثمانينات]
[بوست لمواليد الثمانينات]
******
سيشهد التاريخ أن محافظات الصعيد وسيناء والصحراء هم من أنقذوا مصر "علي عكس ما كان يروج له" . . في حين أصرت المنوفية وأخواتها أن تكون ولادة لمبارك
******
ماهى الديانة الاصلية لمصطفى بقرى ؟ :)
الجائزة : جنيه ونص :))
الجائزة : جنيه ونص :))
******
عزيزي شفيق .. تحب تجيب الشكاره تاخد فيها ولا نيجي احنا نديك جوه الدولاب ؟؟
*****
الاعلام محتاج تطهير يا دكتور مرسي
عوكشه
بكرى مان
المتاسلم خالد عبدالله
*****
حمله محمد مرسى : الرئيس سيحلف اليمين امام البرلمان
...........
عندما تكون الاوهام هى الدستور والقانون :D
*****
بسم الله، يا فتاح يا عليم يا رزاق يا كريم، إصطبحنا وصبح الملك لله، شغل يا ابني إذاعة القرآن، ورش قدام البروفايل، وقول ورايا "يسقط يسقط حكم المرشد"، خلينا نستفتح الريس مرسي
*****
يخرب بيت الاعلام بتاعنا والنفاق الي فيه كان نفسي اشوف شكل لميس الحديدي بعد النتيجه لكن طلعت بكل برود وبتبارك احنا عندنا مذيعن منافقين لزم يتشالوا زي
لميس الحديدي .. عمرو اديب .. عماد الدين اديب .. مصطفى بكري .. والباشا الكبير خيري رمضان .. وطبعا توفيق بيه عكاشه
والشكر كل الشكر للاعامين المحترمين : عمرو الليثي .. حافظ الميرازي .. محمود سعد
وفي النهايه قنواتنا واعلامنا الداخلي لنا ننسى لكم ايام الثور لما كنتوا بتصورا الميدان فاضي واحداث العباسيه و الاتنين مليون ونص بتوع مدينة نصر
*****
عذرا !! نحن لا نطلب العفو عن ضباطنا الشرفاء لأنهم لم يرتكبوا أي جريمه بل جريمتهم الوحيده هي عشق تراب مصر
نطالب بالافراج الفوري عن ضباط 8 ابريل وعن جميع الضباط المعتقلين وجميع المدنين المعتقلين سياسيا
أول مطلب للثوار .. الافراج عن الأحرار
*****
ليست هناك تعليقات:
إرسال تعليق
تعليقك لازم يكون مفيد، الشكر وإبداء الإعجاب أمور غير مفيدة.